Vigo enche rúas, comercios, restaurantes e hoteis co Nadal

luns, 18 dec 2023

Abel Caballero expresou que o Nadal está a atraer a milleiros de turistas e visitantes e que "se están a bater todos os récords". O alcalde explicou que a ocupación hoteleira foi case do 100% e que moitos dos que se achegan a Vigo para visitar as luces de Nadal teñen que pernoctar noutras vilas como Pontevedra ou Ourense. Caballero valorou positivamente o bo funcionamento do dispositivo de tráfico para a recepción dos visitantes e certificou os cheos absolutos na hostalería e comercios. Tamén valorou positivamente o retorno social que está a ter o Nadal: "Os visitantes convértense en prescriptores do Nadal", manifestou.

O Concello apraza as rutas por Pereiró e a andaina do Camiño a Camiño polo temporal

xoves, 2 nov 2023

O goberno local decidiu aprazar as visitas teatralizadas ao cemiterio de Pereiró programadas para o venres 3 de novembro polo temporal e as alertas decretadas pola AEMET. O Concello avisará aos inscritos para este día. Está previsto que os roteiros dean comezo unha vez rematen as alertas amarela e laranxa que se están a anunciar estes días por vento e choiva.

O alcalde saúda á pasaxe da primeira das viaxes a Cíes que organiza o Concello este verán

martes, 5 set 2023

Máis de dúascentas persoas partiron desde a Estación Marítima este martes para coñecer o patrimonio natural e xeolóxico das Illas Cíes, no marco do programa organizado polo goberno municipal para as familias viguesas. O alcalde saudou á pasaxe e augurou que “vivirán un día completo” na illa con visita guiada, cun guía para cada 25 persoas, xincana e actividades para achegarse á riqueza do arquipélago. O Concello oferta 2000 prazas en nove barcos con viaxes nos meses de setembro e outubro.