Este venres, 23 de agosto, finaliza a programación de Curiosidades Solita, unha edición que contou con 8 concertos de grupos novos e artistas con “referencias musicais diferenciais”, apuntou o alcalde.
Abel Caballero e Carmela Silva, xunto ao delegado de Zona Franca, David Regades, visitaron este luns o inicio dos traballos de pintado dun gran mural no chan que cubrirá a Avenida de Castelao dende Praza América ata a rotonda do barco de Alfageme.
Este martes 23 de xullo, comeza un novo período de visitas guiadas para tódolos públicos aos túneles da fortaleza do Castro, que poden reservarse xa na nova páxina web http://fortalezadeocastro.vigo.org.
As persoas que queiran participar no pintando dun mural en Coia deben inscribirse antes do vindeiro mércores, 17 de xullo, na web municipal ou de forma presencial na Asociación de Veciños da Miñoca. A artista Vanesa Álvarez é a responsable da obra que se pintará na superficie do paseo de Coia, desde Praza América á rotonda de Alfageme.
As dúas primeiras recreacións da vida romana no xacemento de Toralla serán este xoves, 4 de xullo, en dous pases ás 20 e ás 21 horas con entrada de balde ata completar o aforo. Os espectáculos serán os xoves de xullo e agosto coa loita de gladiadores como “estrela da exhibición”.
O alcalde e a tenente de alcalde, Carmela Silva, participaron este venres no acto de conmemoración do décimo aniversario do programa municipal de arte urbana, organizado no marco da programación do TAC! Festival de Arte Urbana
Abel Caballero lembrou que segue activa esta prestación do servizo de transporte urbano que ten como finalidade “incrementar a seguridade das mulleres que viaxan soas na cidade”.
O alcalde destacou esta mañá que xa son 177 as actuacións realizadas dentro do programa Vigo cidade de cor, unha cifra á que se sumarán proximamente 8 novos murais. O goberno local vén de contratar o décimo programa de medianeiras cun orzamento de 180.000 euros.
A Porta do Sol acolleu pola mañá un obradoiro de xardinería enmarcado nas actividades do TAC! Festival de Arquitectura Urbana. O alcalde e a tenente de Alcaldía e delegada da Área de Patrimonio Histórico, Carmela Silva, achegáronse ao acto onde ducias de cidadáns participaron nesta programación coa idea de encher os balcóns de Vigo de flores. Ao longo do próximo mes desenvolveranse máis actividades ao redor da gran batea situada no centro da cidade. A programación completa pódese consultar na web do TAC! Festival de Arquitectura Urbana.
O alcalde visitou a construción do pavillón que se asentará na Porta do Sol como sede do TAC! Festival de Arquitectura Urbana. O elemento, que ocupará o espazo de xeito temporal, acollerá distintas actividades a partir do 13 de xuño e durante un mes. Abel Caballero e a tenente de alcalde e delegada da área de Patrimonio Histórico percorreron a batea efémera cos arquitectos que lles explicaron o proceso da montaxe. Vigo foi seleccionada polo Ministerio de Vivenda para acoller este evento, "pola súa transformación no ámbito do desenvolvemento arquitectónico, urbano e a recuperación do espazo público para construír unha cidade para as persoas".