O alcalde visitou este martes o campamento urbano que organiza o Concello na oficina municipal de distrito do Casco Vello. Nas catro sedes toman parte 240 nenos e nenas nos meses de xullo e agosto. Caballero salientou que as 19.500 prazas municipais en actividades durante o verán facilitan a conciliación da vida familiar e laboral.
O alcalde asinou esta mañá un convenio de colaboración con CCOO para apoiar o desenvolvemento das dúas actividades para o ano 2014. O montante do acordo alcanza os 15.000 euros.
O alcalde asinou este mércores o convenio de colaboración coa Asociación de Amas de Casa e Consumo Agarimo, 13.000 euros de apoio á realización de accións como charlas e conferencias informativas, obradoiros, cursos de pilates, memoria, manualidades, risoterapia, pintura, etcétera.
O alcalde, Abel Caballero, e o presidente da Federación de Peñas Recreativas El Olivo, Camilo Pais, asinaron este xoves o convenio de colaboración polo que o Concello de Vigo achega á entidade 15.000 euros para axudar ao financiamento das actividades culturais e deportivas que organiza a Federación ao longo do presente ano.
O alcalde de Vigo mantivo hoxe mércores un encontro cos responsables da entidade, que proxecta construir unha nova base xunto ao campo de fútbol de Bouzas. Caballero trasladoulles a colaboración do Concello, que xa apoia á Asociación mediante un convenio.
O Concello de Vigo incluirá na súa rede de voluntariado aos trescentos membros de asociación viguesa Asdegal (Acción Solidaria de Galicia). Logo de manter un encontro coas responsables, Caballero explicou que se trata de reforzar unha cooperación que xa se estaba dando entre esta entidade e o Concello.
O alcalde estudará novos emprazamentos na oficiña municipal de Coruxo para que a Unión Musical poida desenvolver e ampliar a súa actividade. En rolda de prensa, destacou o apoio municipal a estas agrupacións musicais, financiadas exclusivamente polo Concello de Vigo.
Abel Caballero e o responsable da CIG comarcal, Serafín Otero, asinaron hoxe un convenio de colaboración por importe de 15.000 euros. Este acordo ten por obxectivo cooperar coas actividadades da entidade sindical.
O alcalde rubricou o acordo este martes coa Asociación de Mariñeiros Artesanais e Deportivos de Bouzas, entidade que percibe do goberno de Vigo 16.000 euros para colaborar na difusión da cultural mariñeira. O Concello tamén empréstalles embarcacións tradicionais de propiedade municipal -traíña, galeón, gamela...- para as súas actividades promocionais.
O alcalde, Abel Caballero, rubricou este venres o convenio cos responsables de FEAFES, un acordo polo que o goberno de Vigo achega 4.000 euros para colaborar no financiamento do local que emprega a Federación na rúa Rola.