Abel Caballero asegurou este mércores que “as Illas Cíes van ser Xeopoarque da UNESCO e, despois, Patrimonio da Humanidade”, ao presentar a exposición itinerante que se estenderá ao longo de 2025 aos colexios da cidade co obxectivo de difundir de modo innovador o valor xeolóxico e o patrimonio natural do arquipélago.
O Concello realizará obras de reconstrucción e fortalecemento no muro do CEIP Valle Inclán, na parroquia de Lavadores, segundo avanzou este mércores o alcalde ao anunciar a adxudicación da redacción do proxecto da obra, por un importe de preto de 9.000 euros. "Non queremos ter un colexio cun muro en situación de dificultade e inestabilidade", afirmou Abel Caballero.
O rexedor deu conta da publicación no Boletín Oficial do Estado de hoxe do documento técnico do Ministerio de Transportes e Mobilidade Sostible para someter a información pública o estudo de impacto ambiental do tramo da autovía A-52, entre Vigo e O Porriño.
O alcalde e a concelleira de Educación recibiron este martes a 31 alumnos de cuarto e quinto de educación Primaria do CPR Igrexa Valadares que participan na actividade didáctica "Visita ou teu Concello". Abel Caballero explicoulles, no Salón de Plenos, a importancia das decisións que se adoptan no Concello e dos servizos municipais, como o abastecemento de auga a todas as vivendas da cidade. Durante o programa, máis de 2.500 escolares percorreron as principais instalacións do edificio municipal, como a sala de control de tráfico, entre outras.
A Xunta de Goberno aprobou as axudas destinadas ás asociacións veciñais da cidade por un importe de 450.000 euros. O alcalde incidiu en que estas subvencións teñen por obxectivo “facilitar o traballo” das entidades.
O alcalde avanzou hoxe a aprobación da redacción do proxecto das novas obras para mellorar as instalacións do Auditorio de Castrelos. “Queremos seguir mellorando o espazo de Castrelos para seguir tendo os mellores concertos do mundo”, asegurou o rexedor.
O dispositivo despregado polo Concello desde o luns 9 de decembro ante as baixas temperaturas deu cobertura a 58 homes e 5 mulleres, segundo avanzou este luns o alcalde de Vigo.
A serie surcoreana é a máis vista da historia da plataforma con máis de 265 millóns de reproducións coa súa primeira entrega, converténdose nun fenómeno cultural a nivel mundial. Esta mañá, o rexedor vigués, Abel Caballero, enfundouse a chaqueta do xogador 456 (Seong Gi-hun) para recibir na cidade a figura da moneca Young-Hee, que chega acompañada dos pink guards. Cun tamaño de 4,5 metros, estará instalada na Praza da Constitución dende o venres 13 ata o domingo 15 de decembro, para que os vigueses poidan xogar a "Luz verde, luz roja". Vigo é a primeira cidade escollida por Netflix para realizar a promoción da segunda tempada do serial, que se estreará o vindeiro 26 de decembro.
O alcalde e a concelleira de Educación saudaron este xoves aos 50 alumnos de sexto de primaria do CPR Escola Rosalía de Castro que participan no programa didáctico municipal "Visita ou teu Concello". Caballero explicou ao estudantado a importancia das decisións que adopta o goberno local e da prestación dos servizos que dependen da institución municipal na calidade de vida da cidadanía. Os escolares percorreron as dependencias do Concello de Vigo para coñecer o funcionamento dos distintos departamentos. Más de 2.500 nenas e nenos participan na iniciativa municipal que propicia o achegamento e coñecemento á institución local.
O alcalde asistiu este xoves a unha das sesións de formación continua da Policía Local de Vigo en intervención policial sanitaria de emerxencia, que se completa coa recibida en novembro sobre técnicas de apertura de portas en situación de urxencia. “Temos unha Policía Local con moita formación e seguiremos nesa liña”, afirmou o rexedor.