A partir de hoxe, o Nadal Bus incorpora 1.000 luces LED. Ofrece unha experiencia de sightseeing única para visitantes e locais. Este ano, o Nadal Bus mostrase como unha das atraccións das festas, sumando máis de 3.000 viaxeiros a bordo. Os titulares da PassVigo poderán beneficiarse dun desconto especial, sempre que realicen a compra do billete anticipado
Abel Caballero recibiu hoxe na alcaldía á nova presidenta da Asociación de Novos Empresarios de Vigo e Mancomunidade, Águeda Ubiera, e ao expresidente, Iván Suárez. Durante a reunión, o rexedor trasladou o apoio do goberno municipal á nova directiva quen lle trasladou os seus proxectos para a esta nova etapa da entidade.
Abel Caballero animou este xoves a participar e asistir o vindeiro sábado 4 de xaneiro á terceira edición do Torneo Cidade de Vigo de Baloncesto 3x3 que se celebra no pavillón de Navia. Trátase dun torneo integrado con 2 categorías de 3x3 en cadeira de rodas. Os equipos poden ser masculinos, femininos ou mixtos e estarán formados por un mínimo de 4 xogadores e un máximo de 5. O alcalde felicitou ao club de baloncesto Seis do Nadal e ao CD Anfiv "pola cooperación tan importante, e porque facedes do baloncesto un deporte tan arraigado na cidade de Vigo"
O alcalde inaugurou este xoves as obras de mellora realizadas polo Concello na pista deportiva no Centro Cultural e Recreativo de Cabral-Becerreira, por un importe de 600.000 euros, á vez que descubriu a placa en homenaxe ao finado deportista de fútbol sala Miguel Gil García. “É o día do deporte, da afectividade e do recordo”, afirmou o rexedor ao expresar o seu apoio á nai e avoa do novo desaparecido en 2019.
Os datos de viaxeiros e pernoctas rexistrados polo INE en novembro, que constatan un incremento do 8,5% no número de viaxeiros e un 9% de pernoctas con respecto a 2023, ratifican que Vigo “segue sendo un modelo turístico en España”, segundo recalcou hoxe Abel Caballero.
O alcalde informou do envío dunha carta cos pagos para que a Xunta reembolse 978.000 euros ao Concello de Vigo tras a sentenza do TSXG. “Foi un abuso político intolerable”, expresou Abel Caballero en rolda de prensa.
A Corporación Municipal de Vigo aprobou hoxe definitivamente o décimo oitavo presuposto consecutivo do goberno presidido por Abel Caballero, cos votos a favor do Grupo Municipal Socialista e a oposición dos edís do PP e do BNG. As novas contas ascenden a 334.615.975,51 millóns de euros, dos que 47,9 millóns destinaranse a investimentos. “Levo 18 anos de alcalde e 18 orzamentos consecutivos aprobados. É a estabilidade, que a cidade segue o seu progreso e avance", afirmou o alcalde.
Caballero e López rubricaron o convenio entre o Concello e Deputación dotado con 5 millóns de euros para este 2024 inclúe as obras no parque Finca Matías, na reconstrución dun muro no parque de Navia, a reparación dun muro no campo municipal do Sárdoma-Moledo, a cuberta do pavillón da pista vermella de As Travesas e a humanización de Clara Campoamor, entre Ramiro Pascual e o Hospital Álvaro Cunqueiro.
O persoal municipal reuniuse na lonxa do Concello este venres para brindar polo Nadal e o próximo ano 2025. O alcalde agradeceu no seu discurso o labor que desenvolven os funcionarios “levando adiante a cidade como servidores públicos”. Para Abel Caballero este pincho de Nadal ofrece a oportunidade de recoñecerlles o seu traballo.
A Xunta de Goberno aprobou este venres as bases e a convocatoria das axudas de 2025 para atender as situacións de de emerxencia social, evitar desafiuzamentos e proporcionar bonotaxi para persoas con discapacidade para 2025, por un importe de 1.300.000 euros, ”ampliable en toda a cantidade que sexa preciso porque a nosa posición é que estas axudas son imprescindibles para moitas persoas”, asegurou Abel Caballero.