O dispositivo de frío activado polo Concello desde o xoves 18 de decembro de 2025 ata esta madrugada atendeu a 129 persoas, segundo explicou este mércores o alcalde.
Abel Caballero lembrou hoxe á Xunta e á Deputación de Pontevedra que non responderon á súa proposta de cofinanciar cun terzo, respectivamente, o custo das obras de ampliación do Estadio de Balaídos para afrontar o Mundial de Fútbol de 2030. “Non contestan, non din nada e ignoran que Vigo ten e cumpre todos os requisitos para ser sede do Mundial”, afirmou.
O Torneo de Nadal Cidade de Vigo de Baloncesto 3x3, organizado polo Concello e o Clube de Baloncesto Seis do Nadal, disputarase o domingo 4 de xaneiro no Pavillón de Navia coa participación de 280 xogadores e xogadoras de 59 equipos.
As axudas de emerxencia aprobadas en 2025 alcanzaron a 8.870 beneficiarios, segundo avanzou este venres o alcalde ao explicar que o Concello destinou 1.079.812 euros a atender as demandas da cidadanía con escasos recursos.
O alcalde cualifica 2025 como “o mellor ano da historia de Vigo”, marcado pola débeda cero e un orzamento récord aprobado en tempo e forma para 2026. Centos de millóns de euros en investimentos en humanizacións e Vigo Vertical, a posta en marcha do Plan de Vivenda Municipal e o auxe do turismo a través de grandes eventos e a cultura marcan a senda do goberno local neste ano.
A Corporación Municipal de Vigo aprobou definitivamente os orzamentos de 2026 que ascenden a 350,8 millóns de euros. Saíu adiante cos 19 votos a favor do Grupo Municipal Socialista e 7 en contra do PP e do BNG.
Abel Caballero e a concelleira de Educación participaron este venres na celebración do Nadal organizada pola comunidade escolar do CEIP Altamar na que ou alumnado, o profesorado e as familias compartiron as 12 badaladas para despedir o ano 2025. O alcalde asistiu á interpretación da panxoliña composta polo estudantado e trasladou os seus mellores desexos a toda a comunidade educativa.
Abel Caballero brindou coas traballadoras e traballadores do Concello por seguir facendo de Vigo un lugar referente durante a recepción de Nadal celebrado na lonxa do edificio consistorial. No seu discurso puxo en valor o traballo do persoal, "sen os que non sería posible facer o traballo que impulsa a cidade cada día". O alcalde desexou ás persoas asistentes un bo Nadal e unhas boas festas.
A Xunta de Goberno aprobou este venres o plan anual de contratación do Concello que entra en vigor o próximo 1 de xaneiro de 2026. O alcalde explicou que o importe estimado dos contratos ascende a 236,5 millóns de euros.
A Xunta de Goberno aprobou este venres a oferta de emprego público para 2025 con 79 prazas, segundo anunciou o alcalde.