Abel Caballero visitou este venres a nova edición do evento gastronómico "Vigo Sea Fest" organizado pola Cooperativa de Armadores coa cooperación do Concello de Vigo, que achega 60.000 euros para consolidar a Vigo como referente europeo do mar. O alcalde apuntou o éxito das propostas gastronómicas da pesca que, desde onte e ata o domingo 13, realizan os 14 chefs que participan no evento.
O Concello arrinca o próximo martes o desenvolvemento dos ámbitos de solo urbano non consolidado dos terreos das antigas fábricas do Grupo de Empresas Álvarez, GEA, en Cabral e en Coruxo. O novo Plan Xeral de Ordenación Municipal dá paso á construción de dotacións de uso terciario e residencial en dous solares que acumulan dúas décadas de deterioración, segundo lembrou este venres o alcalde.
O alcalde anunciou que a ampliación do orzamento inclúe a renovación dos vestiarios de 9 campos de fútbol. Serán 14,9 millóns para deporte, 27,5 millóns en investimentos e 11,2 para o plan de choque de vivenda.
O rexedor tamén informou do establecemento dunha nova clasificación de actividades no padrón da taxa de lixo comercial do ano 2025, no que “as vivendas turísticas cotizarán como actividade do sector terciario”.
A cidade recibe con moita “honra” a súa elección como sede destes actos, sinalou o alcalde, durante a presentación do programa xunto a Francisco Pardo, director Xeral da Policía Nacional. Entre o 25 de setembro e o 2 de outubro haberá exhibicións, exposicións e concertos así como a gala de premios da Policía Nacional.
Abel Caballero e a concelleira de Política Social, Yolanda Aguiar, recibiron este xoves aos cen nenos saharahuís acollidos por familias de Vigo dentro do programa "Vacacións en Paz". O Concello de Vigo, que achega 70.000 euros á iniciativa solidaria organizada por Solidariedade Galega con Pobo Saharauí, consolídase como o máis solidario de España ao rexistrar o maior número de acollementos, con 100 dos 300 nenos que gozarán das súas vacacións en Galicia. Caballero animou aos menores a gozar da súa estadía na cidade e felicitou ás familias acolledoras e a Maite Isla pola súa contribución ao benestar das nenas e nenos saharahuís. Maite Isla trasladou o agradecemento a Abel Caballero pola acollida en Vigo e polas actividades organizadas polo Concello como as viaxes pola ría.
Abel Caballero recibiu ao ministro de Agricultura, Pesca e Alimentación, Luis Planas, que ten varios actos ao longo da xornada en Vigo. Tras a reunión, os dirixentes compareceron para anunciar a resolución do PERTE Mar - Industria, que asigna 18 dos 40 millóns a empresas do sector en Galicia. "Vigo, capital pesquera da Unión Europea", afirmou Planas ao momento que puxo de manifesto "o logro en abril do ano 2024 de que a Comisión dera luz verde ao PERTE Mar - Industria tras a negociación do Goberno de España, o que supón mellorar na competitivide e sostibilidade do sector pesqueiro". O alcalde celebrou o apoio do Goberno de España ás empresas e á industria de Vigo.
Cincuenta nenas e nenos de entre 4 e 12 anos participan esta quincena no campamento municipal do programa “Verán Xove” en Alcabre, que visitou esta mañá o rexedor, que puido ver algúns dos xogos de auga, obradoiros e accións de teatro que realizan. O Concello ofrece este verán máis de 4000 prazas en 15 campamentos en diferentes espazos da cidade. Van desenvolverse desde o 23 de xuño e ata o 29 de agosto co fin de facilitar a conciliación familiar e laboral.
A Pinacoteca Fernández del Riego acolle, desde hoxe ata o 19 de outubro, a exposición “Irene Ceballos. Relato verídico da viúva de Policarlo Sanz”. Máis de 30 obras do legado do filántropo integran a mostra que evidencia o carácter “dunha muller excepcional”, que mantivo con Vigo “máis vínculos dos que se pensan”, segundo destacou Abel Caballero.
O alcalde e os concelleiros de Turismo e Xuventude e Comercio e Festas Especiais reuníronse hoxe coa nova directiva da Asociación de Hostalería de Vigo, AHOSVI. Presidida por Daniele Provezza, os directivos expuxeron os seus novos proxecto á vez que analizaron con Abel Caballero os bos datos de ocupación hostaleira da cidade, tanto no verán como no inverno coa programación de Nadal. "Turismo amable e de calidade", subliñou o rexedor. As estimacións municipais para este verán é chegar ata o 90% de ocupación hoteleira.